Ukraina vil uppí ES

Ukraina hevur svarað einum spurnarblaði úr ES, sum er fyrsta stigið hjá landinum at gerast limur í ES. Tað upplýsir ukrainska forsetaskrivstovan fyri Reuters. Forkvinnan í ES nevndini, Ursula von der Leyen, hevði spurnarblaðið við til Ukraina, tá hon var á vitjan hjá forsetanum 8. apríl. Tá lovaði forkvinnan í ES nevndini, at ukrainski limaskapurin í ES, skuldu fáa skjótari viðgerð, enn vanligt, tí Rusland gjørdi innrás í Ukraina. Roknað verður við, at umsóknin úr Ukraina verður uprødd, tá Europeiska Ráðið kemur saman til fundar 23. og 24. juni. Serfrøðingar hava fleiri ferðir nevnt, at Ukraina er langt frá at lúka krøvini fyri limaskapi í Europasamveldinum.