![](https://www.svf.fo/sites/default/files/styles/myndasavn-width/public/sev_styrid_a_hotel_foroyum-19.jpg?itok=voTZuV4Z)
- Tíðindi, mentan og ítróttur
SEV kennir seg sum gísla í málinum um føroysku sílini
![](https://kvf.fo/sites/default/files/styles/news_xtra_xtra_large/public/2f64362684564c589aee510290b5d0db.png?itok=Pj4CqpVh)
SEV, og byrgingin í Heygadali, eru tikin gíslar í málinum um føroysku sílini. Men arbeiðið at tøma byrgingina í Heygadali steðgar ikki.
Tað sigur Kári Johansen, formaður í SEV.
Vinnukærunevndin gav í gjár kæruni hjá P/f Røkt, sum eigur føroysku ælabogasílini, steðgandi virknað í kæruni móti Heilsufrøðiligu Starvsstovuni, sum hevði avgjørt, at sílini skuldu takast av, í seinasta lagi í dag.
Men hóast Vinnukærunevndin í fyrsta umfarið enn einaferð hevur friðað sílini, so svimja tey enn í vandavatni.
SEV fór í gjár undir at tøma byrgingina í Heygadali, og tað arbeiði heldur fram, tí SEV er ikki partur av kæruni frá Røkt um at avtaka sílini.
Eftirlitsarbeiðið av byrgingini kann ikki bíða, tí SEV er longu farin útum vanligu trygdarnormarnar, sigur Kári Johansen, formaður í SEV.
Sílini vóru eisini flutt í 2014
Hetta er ikki fyrstuferð, at byrgingin í Heygadali skal viðlíkahaldast, meðan ælabogasílini hava verið í vatninum.
Í 2014 vóru sílini flutt í annað vatn, og formaðurin í SEV stendur spyrjandi, hví tað er ein so stórur trupulleiki hesuferð.
Men hóast vatnið nú spakuliga rennir úr byrgingini í Heygadali, og sílini verða sílað burturúr, so eru kanska ikki allar súðir siftar enn.
Formaðurin í SEV vil ikki hava ábyrgdina av at hava tikið lívið av sílunum, tá byrgingin verður tóm.
Málið um føroysku sílini hevur longu útsett viðlíkahaldi av byrgingini í eitt ár, og tí má tað gerast nú, sigur Kári Johansen
Tak niður
Sí eisini