ILA staðfest í íslendskum alibrúki

Virussjúkan ILA er staðfest í alibrúkinum Sigmundarhúsi á eysturlandinum í Íslandi. 

Tað skrivar ilaks.no.

Í fráboðan á Ice Fish Farm skrivar felagið, at smittan fer at ávirka framleiðslunøgdina.

- Avleiðingarnar av, at smittan er staðfest, eru ringar at meta um nú, men tað fer helst á síggjast aftur í framleiðslunøgdini næsta ár, sigur forstjórin í Ice Fish Farm, Guðmundur Gíslason, í fráboðan í dag.

Umleið ein millión laksar, sum viga í miðal 476 gramm, eru í alibrúkinum, har ILA er staðfest.

Sigmundarhús liggur nærindis einum øðrum alibúki, har ILA var staðfest í vetur, og strangt eftirlit hevur verið við tí alibrúkinum, skrivar ilaks.no.

Sigmundarhús, ILA

Frítekst tagging: 

ILA

Sigmundarhús