Nógvar innkallingar og drúgvur fundur um revsing

Longu klokkan tíggju minuttir í átta mánamorgunin fer Uttanlandsnevndin hjá løgtinginum at viðgera lógaruppskotið um at fáa heimild at seta í verk revsitiltøk, sum eru lík teimum, sum ES-londini og onnur lond hava sett í verk móti Russlandi, Hvítarusslandi og ikki-stjórnarstýrdu ukrainsku økjunum Donetsk og Luhansk. 

Nevndin hevur havt málið síðani 19.apríl.

Nógvar innkallingar eru mánadagin, allan fyrrapartin og til klokkan knappliga tvey.

Felagið Peningarstovnar, Reiðarafelagið, Havbúnaðarfelagið, Arbeiðsgevarafelagið, Faroe Agency, Varðin Pelagic, Pelagos, Kommunufelagið, Samtak, Búskaparráðið, Smyril Line Cargo, Hagstovan, løgmaður og landsstýrismenninir í  fíggjarmálum, fiskivinnumálum og uttanríkismálum hava fingið fundarboð.