Hava innflutt fyri 10 milliardir seinasta árið

Innflutningurin hjá føroyingum er komin upp á 10 milliardir krónur um árið.

Frá apríl 2021 til mars 2022 vaks innflutningurin 1,8 mia. kr., og tað er met, sigur Hagstovan.

Høgi oljuprísurin sæst aftur í innflutningstølunum. 

Innflutta brennievnið kostaði 63 prosent meira frá apríl í fjør til mars í ár enn undanfarna ár. Talan er 570 milliónir krónur meira.

Brennievni vóru innflutt fyri slaka hálvaaðru milliard. 

Innflutningurin til beinleiðis húsarhaldsnýtslu er bara vaksin 45 milliónir krónur, 2,4 prosent. 

Maskinur, útgerð og tilfar til havbúnað, landbúnað, fiskavirking og aðra framleiðslu blivu innflutt fyri slaka milliard meira. Vøksturin er 26 prosent.

Men innflutningurin av byggitilfari var bara 37 milliónir krónur størri, 4,5 prosent