Psykiatri: Útgreina fleiri børn og ung

Tað skal ganga skjótari at sleppa til útgreining í psykiatriini. Tað sigur Heilsumálráðið.

Barna- og ungdómspsykiatriin fer í miðal at útgreina hálvtsætta fólk um vikuna, í staðin fyri sum higartil trý.

- Hetta er eitt stig á leiðini, heldur felagið Sinnisbati, sum vísir á, at í mars mánaði stóðu meira enn 200 børn og ung á bíðilista.

- Enn vantar langtíðarætlan fyri psykiatriska økið, sigur Gunnhild Persson, aðalskrivari í Sinnisbata.

Gunnhild Persson, Sinnisbati

Gunnhild Persson er aðalskrivari í Sinnisbata.