Musikkstevnan verður á Eiði

Musikkstevnan í ár verður í morgin hildin í ítróttarhøllini á Eiði, og Eiðis Ljómfelag skipar fyri.

Rógvi Egilstoft, borgarstjóri, setur musikkstevuna kl. 13, og síðani fara skúlaorkestur at spæla. Tey eru átta í tali.

Umleið klokkan 15 fara hornorkestrini at spæla, og tey eru sjey úr øllum landinum.

Fyrsta musikkstevnan var í 1966, og síðani hava tær verið á hvørjum ári, uttan í 2020, tá korona forðaði fyri musikkstevnuni.