Røkt fær 10 dagar at taka sílini av

Røkt fær 10 dagar at taka sílini av
Heldur Røkt ikki tíðarfreistirnar, fær felagið dagbót. 1. juni fer SEV at tøma byrgingina, og tað tekur eina viku.
Røkt hevur til 31. mai at taka sílini í Heygadali av. Verður freistin ikki hildin, noyðist felagið at gjalda dagbót, 5.000 kr. um dagin.
 
21.05.2022 - 10:00

Smápartafelagið Røkt hevur 10 dagar til at taka ælabogasílini í Heygadali í Vestmanna av. Tað er freistin, sum Heilsufrøðiliga Starvsstovan hevur givið felagnum.

Tað var týsdagin, at Vinnukærunevndin staðfesti avgerðina hjá Heilsufrøðiligu Starvsstovuni, um at ælabogasílini í Heygadali í Vestmanna skulu takast av. Nærri tíðarætlan skuldi tá leggjast fyri, nær hetta skuldi verða gjørt.

Tíðarætlan er nú løgd. 31. mai skulu øll sílini verða tikin av. 7. juli skal øll útgerðin hjá Røkt verða tikin av vatninum, og hálvan august skal Røkt hava ruddað alla útgerðina av økinum. 

Tíðarfreistirnar eru lagdar soleiðis, at til ber hjá SEV at tøma byrgingina og gera neyðugt eftirlit, sigur Bárður Enni, stjóri á Heilsufrøðiligu Starvsstovuni.

1. juni byrjar SEV at tøma byrgingina. Tað tekur eina viku. Síðani verða tvær vikur nýttar at kanna byrgingina, og 21. juni verður SEV liðugt við sítt arbeiði.

Um Røkt ikki heldur tíðarfreistirnar, so fær felagið dagbøtur. Dagbøturnar eru 5.000 krónur um dagin.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF