Semingsroyndin byrjar í dag

Semingsroyndin byrjar í dag
Semingsroyndin í dag er við fýra arbeiðarafeløg og arbeiðsgevararnar, men samstundis er ætlanin at royna semju millum arbeiðsgevararnar og Havnar arbeiðskvinnufelag
Fróði Sivertsen er annar av semingsmonnunum.
Mynd: Bjarni Árting Rubeksen  
 
23.05.2022 - 08:26

Semingsstovnurin fer í dag at royna semju millum arbeiðarafeløgini og arbeiðsgevararnar.

Tá ið samráðingarnar við tey fimm arbeiðarafeløgini byrjaðu í apríl, samráddust øll arbeiðarafeløgini saman. 

Men sum samráðingarnar gingu, komu boð um, at arbeiðarafeløgini vóru farin sundur í tveir bólkar, og at Havnar arbeiðskvinnufelag ikki longur var partur av samráðingunum hjá hinum fýra feløgunum, boðaði Vinnuhúsið frá í síðstu viku.

 

Langt millum partarnar

Terje Sigurðsson, semingsmaður, sigur, at semingsroyndin í dag verður við hini fýra arbeiðarafeløgini og arbeiðsgevararnar. Og samstundis er ætlanin at royna semju millum Havnar arbeiðskvinnufelag og arbeiðsgevarafelagið.

Langt er millum partarnar, sigur semingsmaðurin.

Høvuðsorsøkin er helst tann, at viðurskiftini í samfelagnum er nógv broytt seinastu tíðina. Millum annað er inflatiónin nógv vaksin, og rentan er hækkandi.

Sáttmálarnir millum fýra av arbeiðarafeløgunum og arbeiðsgevarafelagið eru longdir til á midnátt í kvøld, og sáttmálin millum Havnar arbeiðskvinnufelag og arbeiðsgevararnar er longdur til á midnátt mikukvøldið.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214