- Tíðindi, mentan og ítróttur
102 milliónir í halli í fjør
102 milliónir í halli í fjør
Skuldin hjá Klaksvíkar kommunu er 311 mió. kr., og sum útlitini eru nú, fer skuldin at hækka í ár, tí ætlanin er at læna 50 mió. kr.
Nettoskuldin hjá Klaksvíkar kommunu er 33,4 mió. kr. omanfyri eina álíkning.
25.05.2022 - 08:26
Klaksvíkar kommuna hevði 102,3 mió. kr. í halli fyri avdráttir í fjør.
8,2 mió. kr. fóru til at gjalda lán, men kommunan lænti 123,5 mió. kr. fyri at fíggja hallið.
Netto hækkaðu lánini tí 115,3 mió. kr.
Inntøkurnar hjá Klaksvíkar kommunu vóru 293,8 mió. kr. í fjør, raksturin kostaði 232,8 mió. kr., íløgurnar 148,7 mió. kr., rentustuðulin 3,7 mió. kr. og fíggjarpostarnir 3 mió. kr.
Gjaldførið ikki gott
Gjaldførið er ikki gott, stendur í skránni fyri býráðsfundin í Klaksvík í dag.
Skuldin er 311 mió. kr., og sum útlitini eru nú fer skuldin at hækka í ár, tí ætlanin er at læna 50 mió. kr.
Nettoskuldin er 33,4 mió. kr. omanfyri eina álíkning.
Er kopiera
Nýggjastu sendingar í ÚV
Nýggjastu sendingar í SV
