SAS í fíggjarligari kreppu

- Eingin ivi er um, at SAS er í síni allarstørstu búskaparkreppu nakrantíð, sigur óhefti norski greinarin, Hans Jørgen Elnæs, við danska dagblaðið Børsen.

Danska heimasíðan, Finans, letur ikki betur at støðuni hjá SAS, men staðfestir, at “eftir níggju ársfjórðingar á rað við greiðum halli á botnlinjuni, er flogfelagið komið at eggini”.

Í samrøðuni við Børsen sigur Hans Jørgen Elnæs, at skuldin hjá SAS er so høg og kappingarførið so lágt, tí útreiðslurnar eru ov stórar.

- Av tí sama kann SAS ikki kappast við ferðaseðlaprísirnar hjá lágprísfeløgunum, sigur hann.

- Tí er eitt at gera hjá SAS, og tað er fáa meira pening til vega, so felagið kann sleppa av við ovurstóru skuldina, leggur norski greinarin aftrat.