Grønland: Tilgongdin til amt skal endavendast

Nú skal tilgongdin, tá Grønland í 1953 bleiv eitt amt í Danmark, endavendast.

Landstingið ætlar at seta eina nevnd at kanna, um Danmark fylgdi øllum krøvum hjá ST, tá Grønland í 1953 fór frá at vera hjáland til amt. 

Kannast skal millum annað, um mannarættindasáttmálin var hildin út í æsir. 

Nógv bendir á, at Danmark ikki gav grønlendingum allar upplýsingar um møguleikarnar hjá Grønlandi í framtíðini.

Stungið í bakið

Danmark gav ikki ta vegleiðing, sum ST krevur í slíkum føri.

Grønland var stungið í bakið, sigur Doris J. Jensen í Siumut, sum eigur uppskotið um kanningarnevndina.

Landstingið samtykti einmælt uppskotið.

Í 2007 kom ein frágreiðing frá Dansk Institut for Internationale Studier um tað, sum hendi í 1953, tá Grønland gavst at vera hjáland.

Men hon er ikki fullkomin, er niðurstøðan hjá lógarnevndnini hjá landstinginum.