Nýtt fongsul í Føroyum: Forsætisráðharrin fer uttan um langtíðarsemju

Tað ber ikki til, at forsætisráðharrin lovar at byggja nýtt fongsul í Føroyum uttan um flokkarnar, sum hava gjørt langtíðarsemjuna um kriminalforsorgina.

Tað sigur Britt Bager úr Konservativa flokkinum, sum var við at gera langtíðarsemjuna.

Semjan gongur frá 2021 til 2025, og eingir pengar eru settir av til fongsul í Føroyum, hóast bæði Edmund Joensen og Sjúrður Skaale, føroyskir fólkatingsmenn, royndu at sleppa við í semjuna og at fáa pengar til nýtt fongsul.

Hoyr innslag í útvarpstíðindunum.

Bárður á Steig Nielsen og Mette Frederiksen, Yvirlýsing um fongsul í Føroyum

Mette Frederiksen, forsætisráðharri, og Bárður á Steig Nielsen, løgmaður, skrivaðu í gjár undir yvirlýsing um, at nýtt fongsul skal byggjast í Føroyum.