Fasti gerðarrættur ger úrskurð um uppsagnarløn

Fasti gerðarrættur hevur úrskurðarfund í morgin í einum máli millum Maskinmeistarafelagið, Fiskimannafelagið og Skipara- og navigatørfelagið móti Reiðarafelagnum.

Málið snýr seg um, at Reiðarafelagið skal viðurkenna, at limirnir hjá Maskinmeistarafelagnum, Fiskimannafelagnum og Skipara- og navigatørfelagnum, ið hava siglt við Skørini, FD 750, eru at meta sum uppsagdir, og hava krav um uppsagnarløn, sambært grein 2, stykki 8, í sáttmálanum millum feløgini, tá ið skip verða løgd.

Úrskurðarfundurin verður í morgin klokkan 10, og hann er almennur.