Rógvi Mikkelsen tekur yvir á Hilton Garden Inn

Hilton Garden Inn skal hava nýggjan stjóra. Martin Restorff, sum hevur verið stjóri, síðani hotellið á fyrstan tíð læt dyrnar upp í oktober 2020, segði seg úr starvi í apríl í ár. 

Í tíðindaskrivi boðar hotellið frá, at nýggjur stjóri nú er settur. Tað er 34 ára gamli Rógvi Mikkelsen, sum skal standa á odda fyri hotellið á Staravegnum í Havn. 

Rógvi Mikkelsen hevur drúgvar royndir úr hotell- og tænastuvinnuni bæði uttanlands og í Føroyum. Til fyri stuttum starvaðist Rógvi sum hotellleiðari fyri Hotel Brandan.

Rógvi Mikkelsen byrjar í starvinum beinanvegin og fer fyrstu tíðina at starvast tætt saman við Martini Restorff, sum er vorðin partur av nevndini fyri hotellið.