Ruth Vang: Vakmyndatól í býarrúmum er ein óhugnaligur tanki

Tað er umráðandi, at vit kjakast um - og lýsa málið - um vakmyndatól gjølla.

Tað heldur Ruth Vang, forkvinna í Framsókn, nú løgmaður hevur boðað frá, at hann arbeiðir við einum uppskoti, ið skal geva kommunum heimild at seta vakmyndatól upp við tí endamáli at yvirvakja býarlívið.

Ruth Vang, Framsókn

Forkvinna í Framsókn er ímóti, at kommunur nú væntandi fara at fáa loyvi at seta upp vakmyndatól í býarrúminum.

"Kjakið um trygd í mun til privatlív er eitt stórt, prinsipielt kjak. Og tað kjakið hava vit ikki havt enn," sigur hon.

Uppsetan av vakmyndatólum má síggjast í einum nógv størri høpi, enn tað verður gjørt nú. Tað er ein vandi í at viðgera hetta sum eitt einstakt mál, heldur Ruth Vang.

Vakmyndatól, Eftirlit

Frítekst tagging: 

Vakmyndatól

eftirlit

Tá talan er um privatlív hevur verið ført fram, at einum nýtist ikki at øttast vakmyndatól um ein hevur "reint mjøl í posanum".

"Hetta er standard argumentið, sum man brúkar í totaliterum statum," sigur Ruth Vang. 

Politisk undirtøka er tó fyri at loyva kommunum at seta vakmyndatól upp í býarrúminum. Hetta segði løgmaður í viðmerking til Kringvarpið tann 15. juli. Arbeitt verður nú við at gera eitt uppskot klárt, sum eftir ætlan skal leggjast fyri løgting í heyst.