Uppskotið tekur støði í barninum

Uppskotið um at lata ein part av ansingargjaldinum til foreldur, sum vilja ansa sínum børnum heima, hevur fingið bæði rósandi orð og atfinningar seinastu dagarnar.

Sólvit Nolsø, landstýrismaður í almannamálum, fyrireikar uppskotið.

- Støðið skal fyrst og fremst takast í lítla barninum, sigur hann.

Hoyr samrøðu við Sólvit Nolsø í útvarpstíðindunum.

Ætlanin er góð

Næstformaðurin í kommunufelagnum, Tórbjørn Jacobsen, heldur tað vera gott, um kommunurnar fáa størri heimild at gera av, hvussu barnaansingin skal skipast, og harvið eisini, um foreldur fáa pening fyri at ansa børnunum heima.
Málið hevur hvørki verið til viðgerðar í Kommunufelagnum ella í Runavíkar kommunu enn, men Tórbjørn Jacobsen væntar, at allar kommunur fara at taka væl ímóti uppskotinum.