730 børn byrja í 1. flokki

Í morgin fara umleið 730 børn í 1. flokk, upplýsir Hagstovan.

Tað eru 35 børn færri enn í fjør, ella 4,6 prosent. Í fjør byrjaðu 765 børn 1. flokki.

Børnini, sum byrja í 1. flokki í morgin, eru næstan øll fødd í 2015. 610 børn vóru fødd í Føroyum í 2015.

Fleiri flyta til Føroya

Í ár, sjey ár seinni, eru tey 120 fleiri børn, tí fleiri eru flutt til Føroya. Vøksturin er næstan 20 prosent, sigur Hagstovan.

Seinasta árið hevur nettoflytingin til Føroya verið 535 fólk.

Nettoflytingin er munurin millum teirra, sum flyta úr Føroyum, og teirra, sum flyta til Føroya.

Eva og Jónas

13 gentur, sum fara í 1. flokk í morgin, eita Eva, og tíggju dreingir eita Jónas. (Mynd: Hagstovan)

Eva og Jónas

Flestu gentur í 1. flokki eita Eva, og tær eru 13 tilsamans. Næstflestar eita Ester og Mia.

Flestu dreingir eita Jónas, teir eru tíggju tilsamans. Næstflestir eita Lukas.