Ríkispolitiovastin tekur ikki undir við niðurstøðuni

Ovastin fyri ríkispolitiið, Thorkild Fogde, er ikki samdur við Medarbejder- og Kompetancestyrelsen, sum í gjár mælti til at senda ríkispolitiovastan til hús, og seta í verk eina embætismannahoyring av hansara leikluti í minkamálinum.

Tað skrivar TV2 í dag.

Kanningarnevndin í minkamálinum fanst at Thorkild Fogde fyri at hava vitað, at heimild ikki var at tala allan mink av í Danmark, men hóast hetta helt politiið fram við at hjálpa til at taka minkar av, tá koronuvirus var staðfest á nøkrum minkagørðum.

Tænastumisbrot

Kanningarnevndin segði í niðurstøðuni, at Fogde hevði framt tænastumisbrot og hevði viðvirkað til brot á sannleikaskylduna og løggildisgrundregluna í samband við áhaldandi grova villleiðing.

Útfrá hesum mælti Medarbejder- og Kompetancestyrelsen til, at Fogde skuldi fyribils sendast til hús, meðan løgmálaráðið ger eina embætismannakanning av leiklutinum hjá ríkispolitiovastanum.

Men gjøgnum sakførara sín sigur Thorkild Fogde í dag, at tey eru ósamd við og bilsin um niðurstøðuna, sum tey gleða seg til at fáa roynt í næstum, skrivar TV2.