Anni Højgaard er danmarkarmeistari í fríkaving

27.08.2022 - 18:00
ÍtrótturAnnar ítróttur
Anni Højgaard er danmarkarmeistari í fríkaving
Í gjár kavaði Anni Højgaard úr Saltangará niður á 21 metrar uttan fitjur og luft, í dag niður á 25 m. í fitjum, og harvið gjørdist hon danmarkarmeistari í fríkaving
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Mynd: Privat mynd  
Anni Højgaard úr Saltangará er danmarkarmeistari í fríkaving

Anni Højgaard, ið er ættað úr Saltangará, er danmarkarmeistari í fríkaving, sum er kaving uttan luftfløskur.

Anni Højgaard gjørdist danmarkarmeistari, tá hon í kapping í Noregi í gjár kavaði niður á 21 metrar uttan fitjur, og í dag kavaði niður á 25 metrar við fitjum.

Tað var av tilvild, at Anni Højgaard byrjaði at íðka fríkaving uttan luftfløskur.

"Fyri tveimum árum síðani møtti eg einum dana, ið síðani bleiv sjeikurin hjá mær, og hann er millum teir allarbestu fríkavararnar í Danmark. Tað merkti, at skuldu vit síggjast, so mátti eg fara við honum til venjingar, og soleiðis bleiv eg eisini sjálv bitin av ítróttini," greiðir Anni Højgaard frá.

Hoyr samrøðuna við Anni Højgaard við at trýsta á startknøttin undir myndini.

Næsta stóra avbjóðingin í fríkaving hjá Anni Højgaard verður í næstum, tá hon skal kappast í oynni Amorgos, sum bleiv heimskend orsakað av fríkavara-filminum Big Blue hjá Luc Besson.

 

Her kavar Anni Højgaard niður á 21 metrar uttan fitjur og luftfløskur.

 

Her kavar Anni Højgaard niður á 25 metrar við fitjum, men uttan luftfløskur. 

 
Er kopiera

Tak niður

Nýggjastu sendingar í ÚV
Týsdag 12. august
Súrligt summar: Ársins tjald
195504
Týsdag 12. august
Súrligt summar: Voodoo poppur
195503
Týsdag 12. august
Súrligt summar: Pengar, pengar og pengar
195502
Týsdag 12. august
Morgunlestur týsdagur 12. august 2025
195375
Mánadag 11. august
Poppverturin
194203
Nýggjastu sendingar í SV
Týsdag 12. august
Veðrið
195508
Fríggjadag 8. august
Veðrið - teknmálstulkað
195406
Fríggjadag 8. august
Dagur og vika - teknmálstulkað
195405
Fríggjadag 8. august
Veðrið
195397