Borgarstjórin í Vestmanna leggur frá sær

Borgarstjórin í Vestmanna, Pauli Trond Petersen, leggur frá sær. 

Tað boðar kommunan frá í soljóðandi skrivi í dag:

"Vestmanna Kommuna váttar at Pauli Trond Petersen hevur sent skriv til Bygdarráðið við umbøn um at vera loystir úr starvi sum borgarstjóri. Bygdarráðið fer í næstum at viðgera skrivið frá Paula Trond Petersen."

Hoyr samrøðu við Paula Trond Petersen í útvarpstíðindunum:

Pauli Trond Hansen sigur, at hann heldur fram sum vanligur bygdarráðslimur valskeiðið út, og stillar síðani ikki uppaftur. Hann ætlar heldur ikki at stilla upp til løgtingsval. 

Bjørg á Rógvi, varaborgarstjóri, hevur verið borgarstjóri, meðan Pauli Trond Petersen hevur verið í farloyvi.