Genta bjargað út undan húsum

Eftir skriðulopið tók tað tríggar tímar hjá bjargingarliðnum at grava seg fram til gentuna, ið lá undir leiri og múrsteinum.

Smáar vónir vóru um at finna hana á lívi, men tá ið bjargingarfólkini hoyrdu eina veika, grátandi rødd, hildu teir á við bjargingararbeiðinum og fingu gentuna út undan húsatoftunum.

Gentan varð flutt á sjúkrahús, men ikki er greitt, hvussu heilsustøða hennara er.

Trý onnur fólk, sum eisini vórðu bjargað út, eru løgd inn á sjúkrahús, men ein 80 ára gomul kona, sum eisini var í húsinum, doyði av løstunum, hon fekk.

Skriðulopið gjørdi seg eisini inn á nøkur onnur hús í grannalagnum, men uttan at nakar fólkaskaði var.