Arbeiðsgevarar: SEV eigur at verða skilt sundur

- SEV eigur at verða sundurskilt í eitt framleiðslufelag og eitt netfelag. 

Tað sigur Føroya Arbeiðsgevarafelag.

Felagið sigur eisini, at størri kapping eigur at vera um el-framleiðsluna, meira privatur kapitalur eigur at verða aktiveraður, og marknaðurin skal skipast so, at elprísurin til brúkararnar verður lágur. 

Tað er Føroya Arbeiðsgevarafelag, sum hevur savnað síni sjónarmið á orkuøkinum í einum riti, sum liggur á heimasíðuni hjá Vinnuhúsinum. Arbeiðsgevararnir skriva, at vit eiga at seta ferð á eitt grønt, effektivt og trygt orkuskifti til orkuframleiðslu úr varandi orkukeldum.

Arbeiðsgevararnir siga, at á nýtslusíðuni má endabrúkarin fáa ein meira virknan leiklut og størri valmøguleikar, tí tað grøna valið er í stóran mun hjá brúkaranum.