Eygleiðari: Magdalena hevur vent gongdini

Ríkisdagsval er í Svøríki í dag, og seinastu veljarakanningarnar benda á, at tað fer at standa á jøvnum millum flokkarnar á reyða og bláa veingi.

Valhølini lótu upp klokkan sjey í morgun, og 7,8 milliónir sviar hava valrætt.

Jan Lamhauge

Jan Lamhauge, journalistur, sum býr í Svøríki, væntar, at Svøríkisdemokratarnir fara at seta krøv, skulu teir vera parlamentariska grundarlagið undir einari borgarligari stjórn eftir valið í dag.

Alt valskeiðið hava borgarligu flokkarnir staðið seg best í veljarkanningunum, men líkt er til, at Magdalena Andersson, forkvinna í Sosialdemokratiska flokkinum og forsætiráðharri, hevur vent gongdini, sigur Jan Lamhauge, journalistur úr Gøteborg.

Høvuðsevnini í valstríðnum hava verið mongu skottilburðirnir í Svøríki og orkuprísirnir. Ikki færri enn 49 skottilburðir, har bandar hava verið uppí, hava verið í hesum árinum.

Hoyr innslag í útvarpstíðindunum:

Jimmie Åkesson - Mynd: Ritzau Scanpix

Jimmie Åkesson er formaður í Svøríkisdemokratunum. Veljarakanningar vísa, at Svøríkisdemokratarnir verða næststørsti flokkur á valinum í dag. (Mynd: Ritzau Scanpix)
 

Ulf Kristersson

Ulf Kristersson er formaður í Moderata flokkinum. Hann hevur sagt seg vera til reiðar at samstarva við Svøríkisdemokratarnar. (Mynd: Ritzau Scanpix)