Váðaráðið: Eingi tekin um váða í bankageiranum

Váðaráðið: Eingi tekin um váða í bankageiranum
Útlánsvøksturin er minkaður, og vøksturin í BTÚ er nógv størri enn útlánsvøksturin
Útlán frá donskum realkredittstovnum til føroysk húsarhald vóru fýra milliardir í juli, 13,2 prosent meira enn í juli 2021.
 
16.09.2022 - 08:52

Hóast útlánsvøksturin hevur verið lækkandi síðani á sumri 2021, og vøksturin í bruttotjóðarúrtøkuni er nógv størri enn útlánsvøksturin, heldur Váðaráðið ikki, at greið tekin eru um, at systemiskir váðar eru í umbúnað í føroyska bankageiranum.

Útlánsvøksturin var 2,3 prosent í juli í ár. Hann var 5,5 prosent í juli í fjør. 

Men kommunurnar hava lænt 118 mió.kr., 9,7 prosent, meira. Skuldin hjá kommununum í føroysku peningastovnunum var 1,3 milliardir kr. í juli. 

Útlán frá donskum realkredittstovnum til føroysk húsarhald vóru fýra milliardir í juli, 13,2 prosent meira enn í juli 2021.

Vøksturin í útlánum til vinnuna frá føroysku peningastovnumum var 2,2 prosent og 2,6 prosent til húsarhaldini. 

 

Útlánsvøksturin var 2,3 prosent í juli í ár. Hann var 5,5 prosent í juli í fjør. 

 

Krav um at standa ímóti

Váðaráðið viðgjørdi í desember í fjør, um tað er neyðugt at viðmæla, at kontrasykliski kapitalbuffarin hækkar. Hann verður eitt prosent 31.mars næsta ár.

Váðaráðið fer í desember at taka støðu til, um tað er neyðugt hækka kontrasykliska kapitalbuffaran.

Kontrasykliski kapitalbuffarin er kravið um, hvussu nógvar pengar, peningastovnar skulu hava at standa ímótí við.  

Krøvini verða ásett eftir, hvussu fíggjarliga menningin er.

Vinnumálaráðharrin ásetur krøvini hvønn hvønn ársfjórðing.

 

Malan Johansen, landsbankastjóri, er limur í Váðaráðnum (Mynd: Bjarni Árting Rubeksen)

 

Nýtt Váðaráð

Tvey nýggj fólk eru vald í Føroya Váðaráð.

Tey eru Torben M. Andersen, proffessari í lærda háskúlanum í Århus, og Ragnfríð Nord Anthoniussen, fulltrúi í Umhvørvis- og Vinnumálaráðnum.

Hini í ráðnum, tey halda fram næstu fýra árini, eru Malan Johansen, stjóri í Landsbanka Føroya, Bjørn Rúnar Gudmundsson, deildarleiðari í íslendsku hagstovuni, og Jógvan Thomsen, stjóri á Vinnustovninum.

Er kopiera
Nýggjastu sendingar í ÚV
Hósdag 20. juni
EM-tíðindi: 20. juni 2024
177032
Hósdag 20. juni
At vera foreldur anno 2024
177020
Hósdag 20. juni
Morgunlestur hósdagur 20. juni 2024
176800
Mikudag 19. juni
EM-tíðindi: 19. juni 2024
176993
Mikudag 19. juni
Morgunlestur mikudagur 19. juni 2024
176799
Nýggjastu sendingar í SV
Mikudag 19. juni
Dagur og vika - teknmálstulkað
176988
Týsdag 18. juni
Veðrið
176960
Mánadag 17. juni
3-2 (18. juni 2024)
176895