Makrel ávirkanin skal kannast

Bæði meirilutin og minnilutin í Vinnunevndini mæla landsstýrismanninum í fiskivinnumálum til at fáa greiðu á, hvørji uppáhald eru sonn ella best grundað í tvídráttinum millum vinnuna og Havstovuna um makrelin.

Etur toska- og hýsuyngul

Fiskimenn siga, at makrelur etur toska- og hýsuyngul. Nei, tað ger makrelur ikki, siga fiskifrøðingar.

Í álitinum um fiskidagar næsta ár siga bæði meirilutin og minnilutan við somu orðum, at tvídrátturin millum vinnuna og Havstovuna um
ávirkanina av veldugu makrelnøgdini í føroyskum sjógvi ger støðutakanina hjá nevndini um fiskidagar trupla.

Málið skal greinast

Meirilutin og minnilutin mæla tí landsstýrismanninum til at skipa eitt greiningararbeiði fyri at fáa greiðu á, hvørji páhald eru best grundað ella sonn, tey hjá fiskifrøðingum ella tey hjá fiskimonnum.

Og fiskivinnan skal vera virkin partur í greiningararbeiðinum, heldur løgtingið.