Donsku sjóverjuskipini eru ov gomul

Skipini, sum danska verjan hevur í Føroyum og í Grønlandi, eru ov gomul.

Tey eru tí til ampa fyri trygdina í Arktis, tí tey skulu so ofta á beding.

Hetta sigur ovastin í sjóverjuni, Carsten Fjord-Larsen, við Danmarks radio.

Fáa ikki eykalutir

Skipini eru yvir 30 ára gomul, og tí fáast ikki altíð eykalutir til teirra. Hesir mugu gerast so hvørt. Í fjør var Vædderen til dømis átta dagar á skipasmiðju í Íslandi.

Og stutt eftir tað noyddist Triton á beding í Frederikshavn.

Og Challenger-flogfarið, sum eigur at vera tøkt í Grønlandi hvønn einasta dag, hevur ofta verið í ólagi seinasta árið.