40.000 tons av korni farin úr Ukraina

Sjey skip, fermd við korni, eru síðani í gjár farin úr Ukraina við kós ímóti Evropa og Asia.

Tað er eftir avtaluni, sum Ukraina og Russland gjørdu eftir innrásina, og Ukraina vil hava avtaluna longda.

Tað skrivar Reuters.

Avtalan, sum varð gjørd eftir samráðingar við USA og Turkaland, fer úr gildi aftur 19. november.

Hóast kornið er farið um allan heimin, so skuldsetur Ukraina Russland fyri at royna at forða fyri, at kornið verður útflutt úr havnum í Ukraina.

Sambært Ukraina kundi ein triðingur meir av korni verið seldur.

Skipini, sum fóru avstað í gjár, vóru fermd við 40.000 tonsum av korni.