Danmark vil hjálpa Grønlandi á yvirtiknum málsøki

Danmark vil hjálpa Grønlandi á yvirtiknum málsøki
Heilsuøkið var yvirtikið í 1992, og Grønlandi vantar 120 læknar, sum eru meira enn helvtin av teimum læknum, sum eiga at vera í Grønlandi
Drotning Ingridar sjúkrahús í Nuuk. Læknatrotið í Grønlandi er stórt.
 
26.10.2022 - 08:31

Einki er til hindurs fyri, at Danmark hjálpir Grønlandi á málsøkjum, sum Grønland annars hevur yvirtikið.

Tað sigur Mette Frederiksen, forsætismálaráðharri, sambært KNR.

Talan er um heilsuøkið, sum var yvirtikið í 1992.

Grønlandi vantar 120 læknar, sum eru meira enn helvtin av teimum læknum, sum eiga at vera í Grønlandi. Eisini er trot á sjúkrarøktarfrøðingum.

 

Mette Frederiksen, forsætisráðharri, sigur, at tað er ein sjálvfylgja, at Danmark hjálpir, um Grønland biður um hjálp. (Mynd: Ritzau Scanpix)

 

Ein sjálvfylgja

Mette Frederiksen sigur tað vera eina sjálvfylgju, at Danmark hjálpir, um Grønland biður um hjálp.

Longu nú hevur Danmark latið 100 milliónir krónur til millum annað at hjálpa børnum og ungum, eitt málsøki, sum er yvirtikið. 

Eisini tá Lars Løkke Rasmussen var forsætismálaráðharri læt Danmark Grønlandi milliónir til yvirtikin málsøki.

Flokkarnir Venstre og Konservative vilja eisini hjálpa heilsuverkinum í Grønlandi, skrivar KNR.

Er kopiera
Nýggjastu sendingar í ÚV
Mánadag 14. juli
Poppverturin
194204
Mánadag 14. juli
RagnarRokk: Jean-Ken Johnny um X.V. e.p.
194122
Mánadag 14. juli
Morgunlestur mánadagur 14.juli 2025
194085
Nýggjastu sendingar í SV