Danske Bank væntar stóra bót fyri hvítvasking

Danske Bank væntar at fáa milliardabót frá donskum og amerikanskum myndugleikum fyri málið um hvítvasking í einum estiskum dótturfelagi.  

Danske Bank sigur í tíðindaskrivi, at bankin setur 14 milliardir danskar krónur av í roknskapinum til endamálið. Hetta merkir eisini, at Danske Bank hevur niðurskrivað væntaða úrslitið næsta ár.

Danskir og amerikanskir myndugleikar hava kannað málið um hvítvasking seinastu fýra árini. Sambært Berlingske er hetta ein av teimum størstu vinnulívsgølunum í Danmark í nýggjari tíð. 

Leiðslan legði frá sær

Hetta hevði við sær, at fyrrverandi forstjórin í Danske Bank, Thomas Borgen, og nevndarformaðurin, Ole Andersen, løgdu frá sær.

Danska bakmanspolitiið avgjørdi at melda Danske Bank fyri brot á lóggávuna um hvítvasking í 2018, tí kanningararbeiðið vísti, at starvsfólk í Estlandi tilvitað hjálptu útlendskum kundum at hvítvaska pening ígjøgnum estisku bankadeildina. 

Sambært DR, vónar Danske Bank, at dómur fellur í málinum fyri nýggjár.