BankNordik hækkar rentuna

BankNordik hækkar nú rentuna.

Orsøkin er, at evropeiski miðbankin, ECB, og danski tjóðbankin hava boðað frá, at rentan hækkar.

BankNordik sigur, at rentur á vanligum innlánskontum, t.d. lønarkontum og rakstrarkontum, verða ikki broyttar.

Rentur á samansparingar- og pensjónskontum hækka upp til 0,85%-stig, og útlánsrentur hækka upp til 0,50%-stig, bæði hjá privat- og vinnukundum.

Rentubroytingin fær gildi fyri vinnukundar tann 18. november og fyri privatkundar tann 5. desember, sigur BankNordik.