Jacob fegnast um Beinir sum formann

bannari
Jacob fegnast um Beinir sum formann
- Eg eri fegin um, at Beinir Johannesen er blivin formaður, sigur Jacob Vestergaard. Eftir fundin í kvøld er eisini greitt, at pláss er fyri Anniku Olsen í Fólkaflokkinum
Ein av tungvektarunum í Fólkaflokkinum, Jacob Vestergaard, fegnast um, at blaðungi Beinir Johannesen er valdur formaður
Mynd: Bjarni Árting Rubeksen  
 
10.11.2022 - 22:18

Beinir Johannesen skal fáa Fólkaflokkin á føtur aftur, nú bæði formaðurin Christian Andreasen, løgtingsmaðurin Heðin Zachariasen og landsstýrismaðurin Sólvit Nolsø allir hava boðað frá, at teir stilla ikki uppaftur til løgtingsvalið.


Heðin Zachariasen stillar ikki uppaftur fyri Fólkaflokkin / Mynd: Bjarni Árting Rubeksen

 

Ein av profilunum í Fólkaflokkinum, Jacob Vestergaard, fegnast um valið av nýggjum formanni.

- Eg eri fegin um, at Beinir Johannesen er blivin formaður í Fólkaflokkinum, sigur Jacob Vestergaard.

 

Pláss er fyri Annika Olsen 

Annika Olsen hevur av mongum verið sædd sum ímyndin av tí stríði, sum hevur herjað innanhýsis í Fólkaflokkinum í eftirhondini rúma tíð.

Hon hevur umboðað eina kós, sum summi hava mett verið ta røttu fyri Fólkaflokkinum. Men aðrir lyklapersónar í flokkinum hava ynskt hana burtur frá allari ávirkan.

Eftir drúgva kreppufundin í Fólkaflokkinum á Hotel Brandan í Havn í kvøld er tó greitt, at pláss er fyri Anniku Olsen í Fólkaflokkinum. Flokkurin hevur samtykt, at Annika Olsen sleppur at stilla upp fyri flokkin, ynskir hon tað.

Eisini hevur Fólkaflokkurin samtykt, at í framtíðini eru tinglimir fríttstillað at atkvøða eftir egnari sannføring í sonevndum ”etiskum málum.”

- Tað er ein samtykt, sum floksstjórnin hevur tikið, og sum eg kann liva við, sigur Jacob Vestergaard.

 

Er kopiera
Nýggjastu sendingar í ÚV
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226