Iran: Mótmælini halda fram

Sjónbandaðar upptøkur, ið Reuters-tíðindastovan hevur fingið váttan fyri eru ektaðar, vísa mótmælisfólk uttan fyri brennandi húsini.

Samstundis nokta almennu iransku miðlarnir fyri, at nakað sum helst er hent barnaheiminum hjá Khomeini, sum nú verður brúkt sum eitt savn til minnis um hann.

Hann var maðurin, ið grundaði islamska stýrið í Iran í 1979 og stjórnaði landinum við harðari hond, til hann doyði tíggju ár seinni, í 1989.