Stórar mótmælisgongur í Kina

bannari
Stórar mótmælisgongur í Kina
Nógvu koronutiltøkini hava fingið ilt í nógvar kinesarar, sum krevja forsetan frá
Mótmæli í Shanghai
Mynd: Eva Rammeloo/via REUTERS  
 
27.11.2022 - 10:22

Stórar mótmælisgongur vóru í gjár í fleiri stórbýum í Kina. Mótmælisfólkini eru óð um strongu koronutiltøkini, sum stjórnin aftur hevur sett í verk. Tað, sum veruliga fekk øði í hesa ferð, var ein eldur í einum íbúðarblokki í býnum Urumqi, har tíggu fólk lótu lív. Mótmælisfólkini vilja vera við, at ein høvuðsorsøk var, at sløkkiliðini ikki sluppu framat, tí so nógvar forðingar eru settar upp vegna strongu koronutiltøkini.

Myndugleikarnir í Urumqi hava víst aftur, at koronutiltøkini vóru atvoldin til, at fólkini doyðu. Men myndugleikarnir hava samstundis biðið um umbering og roynt at sissa fólk við at linka um koronutiltøkini.

Mótmæli hava verið í stórbýum sum Shanghai, Bejing og Nanjing. Tað óvanliga er, at ógvuslig slagorð hava verið brúkt, har fólk hava kravt, at forsetin, Xi Jinping, leggur frá sær. Hetta er annars heilt óhoyrt í Kina, og BBC hevur eisini sæð løgregluna taka fólk í hópatali.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858