- Tíðindi, mentan og ítróttur
Tveir nýggir tilburðir av HIV í 2021
Tað vóru staðfestir tveir tilburðir av HIV í Føroyum í 2021, sum Landslæknin hevur fingið fráboðan um. Ein kvinna og ein maður fingu staðfest virusið.
Vit skulu heilt aftur til 2016 at síggja aðrar tilburðir. Tá fekk ein maður staðfest HIV í Føroyum. Og í 2011 fekk ein kvinna staðfest HIV í Føroyum.
Tá HIV smittan var í hæddini í Føroyum, tá fingu fýra fólk staðfest smittuna. Tilsamans hava 17 menn og sjey kvinnur fingið HIV smittuna í Føroyum síðani 1986.
Talið av smittaðum er støðugt
Hóast tvey vóru staðfest við HIV í fjør, er talið av smittaðum í Føroyum støðugt. Tað sigur Shahin Gaini, lækni og professari í smittusjúkum. Tað er sostatt ikki nakað ið bendir á, at HIV-smittan økist sum nú er.
Hóast tølini hava verið lág síðani HIV-smittan var uppá tað hægsta í 90-árunum, so er sjúkan als ikki útdeyð um okkara leiðir.
Tað er ilt at siga um har eru nøkur skuggatøl í Føroyum. Tað kann vera fólk, ið antin eru smittaði uttan at vita av tí, ella sum av øðrum orsøkum ikki síggjast í hagtølunum.
Og til tey, ið stúra, hevur læknin greið boð - tað ber til at lata seg testa umvegis kommunulæknaskipanina.