Video: Einglar til eldru borgararnar

Hetta er sjeynda árið á rað, at øll í Vági, sum eru eldri enn 80 ár, fáa ein eingil, sum børnini í ungdómshúsinum UDB hava gjørt. 

- Hetta er bara ein fittur tanki til eldru borgararnar í Vági, greiðir Rakul Sumberg Dahl frá.

Yvir 80 einglar

Hon sigur at børnini hava tikið væl undir við hugskotinum og tey hava gjørt yvir 80 einglar. 64 eldri fólk í bygdini fara at fáa eina eingil, umfram tey á eldrasambýlinum. 

- Sløkkiliðið kemur við okkum at koyra einglarnar út, so tað verður eitt sindur øðrvísi í ár, fólk fara at síggja og hoyra okkum koma, greiðir hon frá.

Einglar sum børnini í Vági hava klipt

Einglarnir sum børnini í Vági hava klipt (Mynd: Jens Jákup Hansen)

Fáa hugna afturfyri

Tey yngru børnini fáa eitt jólahald afturfyri og tey eldru verða boðin í eitt jólaborðhald, aftur fyri at tey hava verið so íðin at gjørt einglar. 

Tey eldru gleða seg og vit vita um fleiri sum bíða eftir, at vit koma aftur í ár, sigur Rakul Sumberg Dahl. 

Samrøða við Rakul Sumberg Dahl í Góðan Morgun Føroyar

Rakul Sumberg Dahl

Rakul Sumberg Dahl, varaleiðari í ungdómshúsinum UDB í Vági (Mynd: Jens Jákup Hansen)