Nobel-friðarheiðurslønin latin

Talan er um hvítarussiska aktivistin Ales Bjaljatski, russiska mannarættindabólkin Memorial og ukrainska felagsskapin Center for Civil Liberties.

- Tey hava gjørt eitt einastandandi arbeiði við at skjalfesta krígsbrotsverk, brot á mannarættindini og valdsmisbrúk, segði forkvinnan í Nobel-nevndini, Berit Reiss-Andersen, tá ið hon handaði friðarheiðurslønina.

Serliga russiski mannarættindabólkurin, Memorial, hevur lagt nógv fyri við bert at vera til staðar í Oslo, tí stóð tað til russiskar myndugleikar, var einki umboð har í dag.

- Myndugleikarnir ráddu okkum frá at taka ímóti heiðurslønini, tí hildið var ikki, at tað hóskaði seg at taka ímóti saman við hinum báðum vinnarunum, sigur leiðarin í Memorial, Jan Ratjnskij, við bretska kringvarpið, BBC.

- Men tey ráðini tóku vit sjálvandi ikki til okkum, segði hann.

BBC hevur til fánýtis roynt at fingið eina viðmerking frá russiska uttanríkisráðnum.

Alfred Nobel