Tunnilsmálið: Her eru skjølini í Innlendismálaráðnum

Hvussu er støðan hjá føroyskum myndugleikum mótvegis partafelagnum, sum fær einkarrættin at gera og eiga Eysturoyartunnilin? Eru myndugleikarnir sleptir upp á fjall?

Hetta eru afturvendandi spurningar og ivamál hjá embætisfólkunum hjá Kára P. Højgaard, landsstýrismanni, sum lósu lógaruppskot hansara um at broyta lógina um einkarrættin til undirsjóvartunnilin undir Skálafjørð og Tangafjørð.

Nógvu viðmerkingarnar frá embæitsfólkunum í Innlendismálaráðnum fylla 11 síður, men tær vórðu ikki lagdar saman við málnum um Eysturoyartunnilin, tá tað varð lagt fyri tingið.

Her eru skjølini við samanskrivaðu viðmerkingunum frá deildunum í Innlendismálaráðnum: Eftirkanning og viðmerkingar til uppskot (letur upp í nýggjum kaga)