Framvegis hált um alt landið

17.12.2022 - 18:13
Innlendis
Framvegis hált um alt landið
Á Sandoynni er ikki koyrandi til Skarvanes, og heldur ikki er koyrandi til Gásadals, Norðadals, Tjørnuvíkar, oman til bygdina í Funningi og til Gjáar.
Vegirnir eru hálir alt landið og nógvastaðni er kavin nógvur, sum her á vegnum oman til Skálavíkar
Mynd: Martin Kúrberg  

– Tað er hvítt og hált, og vit hava rættiliga stórar avbjóðingar í kavanum, sigur Árni Jacobsen, økisleiðari hjá Landsverki, ið ikki veit um so nógvan kava í fleiri áratíggju.

– Eg kann nevna, at allan vegin til Elduvíkar er kavin eina manshædd, og har sum tað er ringast, má kavablásari til, tí tað tekur ov langa tíð at rudda kavan við skuffu, sum tær stóru maskinurnar hava.

Hann sigur, at á Sandoynni er ikki koyrandi til Skarvanes, og heldur ikki er koyrandi til Gásadals, Norðadals, Tjørnuvíkar, oman til bygdina í Funningi og til Gjáar.

– Tað er trupult at rudda vegirnar til tær bygdir, sum enn eru avbyrgdar, men maskinurnar grava til klokkan 21, og fara so í gongd aftur í morginári, sigur Árni Jacobsen.

Landsverk kunnar og dagførir alla tíðina á heimasíðu síni, lv.fo.

 
Er kopiera

Tak niður

Nýggjastu sendingar í ÚV
Leygardag 15. juni
Upp á tá - 150624
176790
Leygardag 15. juni
Jambalaja - 150624
176785
Leygardag 15. juni
EM tíðindi - 150624
176776
Leygardag 15. juni
Vikan 15. juni 2024
176774