- Tíðindi, mentan og ítróttur
Føroyska skuldin minkaði í fjør
![](https://kvf.fo/sites/default/files/styles/grein-ovasta-mynd/public/grafur_grein_egs_skuld.png?itok=GwGBf0qL)
Føroyska EGS-skuldin var 30 prosent av BTÚ, bruttotjóðarúrtøkuni, í 2022.
Við ársenda 2021 var føroyska EGS-skuldin mett at vera 34 prosent av BTÚ.
At hon var minni í fjør, kemst serliga av stóra vøkstrinum í BTÚ í 2022.
Men landskassin rindaði eisini 200 mió. kr. av skuldini í fjør.
EGS stendur fyri Evropeiska gjaldoyra samstarvið.
EGS-skuld er ein háttur at rokna almenna bruttoskuld, sum ger tað møguligt at samanbera skuldarstøðið tvørturum lond.
Føroyar hava nøkunlunda somu skuld sum grannalondini og nógv minni enn londini í Evropa.
Havandi í huga, at føroyski búskapurin er ein pinkubúskapur og sveiggjar nógv, er umráðandi, at skuldin ikki er ov stór, sigur Landsbankin í frágreiðing sínari um fíggjarliga støðufestið í triðja ársfjórðingi 2022.