Farhat Bourbia vísir ákærum aftur

Farhat Bourbia vísir aftur, at hann hevur noktað at rinda trimum útlendigum løn.  

í Degi og Viku fyri viku síðan, greiddu Saber Haddad, Yassine Bouzekri og Hicham Sahli frá, hvussu teir høvdu arbeitt 14 tímars dagar hvønn dag, og ongan frídag fingu. 

Talan er um eitt felag, sum varð stovnað av Sp/f Rafiks'sa, har Farhat Bourbia er stjóri, Sp/f Høgaleitið, har Bill Justinussen er stjóri og Jóan Petur á Stongunum.

Undan valinum seldi Sp/f  Høgaleitið sín part av felagnum til Sp/f Rafiks'sa. Tað var Jóan Petur á Stongunum, sum var stjóri í felagnum. Sambært skrásetingini fór hann frá sum stjóri 2. desember, tá Farhat Bourbia tók við. 

Jóan Petur á Stongunum, fyrrverandi stjóri í 20.10.20 hevur onga viðmerking til málið.