Løgmaður roynir at fáa meiriluta fyri báðum tunlum

Tunnilsmálið skal aftur á beint, og greiða skal fáast á, um meiriluti er í tinginum fyri at gera Eysturoyartunnilin og Sandoyartunnilin.

Tað verður dagsskráin fyri samgongufundin, sum Kaj Leo Holm Johannesen, løgmaður, hevur boðað til í morgin.

Fleiri uppskot eru í løgtinginum um tunlar, men sum er, er ikki meiriluti fyri nøkrum av teimum, staðfestir løgmaður. Hann vónar at finna ein loysn, sum allir flokkar á tingi kunnu eiga part í.