Nýtt missiónhús í Rituvík

Tað verður Símun Persson Jacobsen, prestur og formaður í Heimamissiónini, sum fer at víga missiónshúsið klokkan 16, og sjálv vígslan tekur um ein tíma.

Eftir tað fara Meinhard Bjartalíð, sóknarprestur, og Hjalmar Hansen, formaður í stýrinum fyri missiónshúsið, eisini at nøkur orð, og Manskórið í Rituvík og Taborkórið fara at syngja.

Gamla missiónshúsið, sum var frá 1935, varð tikið niður í 2017, og síðani er nýggja húsið bygt á sama stað, har tað gamla stóð, men millum annað við meira enn tvær ferðir so stórari gólvvídd.

Hesi árini, meðan einki hús hevur verið, hevur virksemið hjá heimamissiónini í Rituvík verið í frítíðarskúlanum og annars í kirkjuni, tá ið størri tiltøk hava verið.

Vit hava tosað við Hjalmar Hansen um, hví neyðugt var at byggja nýtt og hvørjar møguleikar nýggja húsið gevur.