626 børn vóru fødd í fjør

626 børn vóru fødd í Føroyum í fjør, upplýsir Landssjúkrahúsið.

Tað er nakað minni enn í 2021, tá 678 børn vóru fødd.

Øll uttan eitt vóru fødd á Landssjúkrahúsinum, 307 gentur og 318 dreingir. 12 tvíburapør vóru í fjør.

175 mammur áttu fyrstu ferð í fjør. Miðalaldurin á teimum var 27 ár.

209 fingu annað barnið, 175 triðja, og 48 mammur áttu fjórða barnið í fjør.

Umleið triðja hvørt barn í fjør vigaði meira enn fýra kilo, og seks prosent av nýføðingunum vigaðu 4,5 kilo ella meira.