Danska stjórnin bakkar ikki í málinum um dýra biðidag

Hóast nógv trýst frá andstøðuni, donsku fólkakirkjuni og fakfeløgunum, so ætlar danska stjórnin ikki at bakka í málinum um at strika dýra biðidag sum frídag. 

Dýri biðidagur verður strikaður fyri at fíggja øktu útreiðslurnar til danska herin í sambandi við kríggið í Ukraina. 

Danska stjórnin skal brúka tríggjar milliardir krónur afturat til endamálið. 

Fyrsta viðgerð var av málinum í fólkatinginum í dag.