Kristian Jacobsen vevar, bindur og seymar síni egnu føroysku klæði

Tað er skapanargleði. Og tað er gleðin í at gera sítt egna.

19 ára gamli Kristian Jacobsen av Saltangará er at kalla liðugur við at evna til sín egna føroyska búna.

Nú er hann so farin í holt við kvinnubúnan.

Í vetur hevur hann vovið skjúrtið, sum nú manglar at seymast.

Vit vitjaðu hann í heiminum í Saltangará, tá hann gjørdi klárt at seyma.