Høgni Hoydal og Lars Løkke hittust í Nuuk

Høgni Hoydal og Lars Løkke hittust í Nuuk
Ráðstevna um Arktis er í grønlendska høvuðsstaðnum í hesum døgum
Í hesum tíðum gerst tað alsamt meira týdningarmikið at røkja sambond við grannar og samstarvspartar fyri at tryggja frið og støðufesti í Arktis og Norðuratlantshavinum, sigur Høgni Hoydal.
 
09.02.2023 - 08:39

Lars Løkke Rasmussen, uttanríkismálaráðharri, og Høgni Hoydal, landsstýrismaður í uttanríkismálum, hittust í Nuuk í gjár.

Har er ráðstevna um Arktis. 

Lars Løkke Rasmussen hitti eisini Vivian Motzfeldt, grønlendsku landsstýriskvinnuna í uttanríkismálum.

Á skránni var, sum ikki einaferð, lyftið hjá donsku stjórnini um føroyskan og grønlendskan lut í uttanríkis- og trygdarpolitikkinum hjá ríkinum.

 

Føroyar og Grønland vera tikin við

Mette Frederiksen, forsætisráðharri, segði í fólkatinginum týsdagin, at landsstýrini bæði og fólkatingsfólkini hjá Grønlandi og Føroyum vera tikin við, tá nýggj semja skal gerast um verjuna. 

Ráðstevnan í Nuuk var í gjár og er eisini í dag.

Landsstýrið í Grønlandi og ES skipa fyri.

 

Lars Løkke Rasmussen, uttanríkisráðharri, er eisini á ráðstevnuni í Nuuk í hesum døgum. (Mynd: Sermitsiaq)

 

Friður og støðufesti

- Í hesum tíðum gerst tað alsamt meira týdningarmikið at røkja sambond við grannar og samstarvspartar fyri at tryggja frið og støðufesti í Arktis og Norðuratlantshavinum, sigur Høgni Hoydal, landsstýrismaður.

Veðurlagsbroytingar ávirka lívskor, lívfrøðiliga margfeldnið og náttúru, og harvið grundarlagið fyri at liva og virka í Arktis og Norðuratlantshavinum, sigur hann.

Á ráðstevnuni, sum eitur International Cooperation in the Arctic: Moving Forward, eru millum annað svenski uttanríkisráðharrin, Tobias Billstrøm, og Virginijus Sinkevicius, ES-kommisserur fyri umhvørvi, hav og fiskivinnu.

Er kopiera
Nýggjastu sendingar í ÚV
Sunnudag 10. august
Guðstænasta í Hoyvíkar kirkju
195430
Sunnudag 10. august
Á ferð í Bangladesj: 2. partur
194440
Leygardag 9. august
Morgunlestur leygardagur 9. august 2025
195080
Fríggjadag 8. august
Vikuskiftið 8 august 2025
195400
Nýggjastu sendingar í SV
Fríggjadag 8. august
Veðrið - teknmálstulkað
195406
Fríggjadag 8. august
Dagur og vika - teknmálstulkað
195405
Fríggjadag 8. august
Veðrið
195397
Týsdag 5. august
Veðrið - teknmálstulkað
195271