Video: Rossini hjálpa børnum við sálarheilsuni

Tað eru møðgurnar Rúna Rodmundsdóttir og Gudny Magnussen, ið hava tikið stig til Rossabólið á Signabø ið veitir hjálp til børn, ið hava sálarligar avbjóðingar. 

- Tað er øgiliga breitt. Tað kunnu verða børn ið hava stríðast við angist, tunglyndi, ótta ella hava havt eina trupla byrjan upp á lívið, greiðir Gundy frá.

Tær hava útbúgvingar og skeið í at hjálpa børnum við sálarheilsuni. 

- Tað er sambandið millum rossini og børnini ið hjálpir upp á sálarheilsuna hjá børnunum, greiðir Rúna frá.

Í fyrstuni, tá ið børn koma til Signabø, brúkar tær tíð upp á at skapa trivnað og at børnini kenna seg trygg við rossini, og eftir hetta sleppa børnini at ganga og ríða við rossunum. 

Lurta eftir samrøðuni við Rúnu og Gudny.