- Tíðindi, mentan og ítróttur
Sunda kommuna skal hava kommunustjóra
Sunda kommuna skal hava kommunustjóra
Ætlanin er, at kommunustjórin skal hava somu uppgávur, sum fíggjar- og fyrisitingarleiðarin hevur í dag

Kommunan heldur, at nú er rætta løtan at gera bygnaðarbroytingina, tí útskifting er í leiðslustarvi í kommununi.
27.02.2023 - 11:23
Á býráðsfundi í dag fer Sunda kommuna m.a. taka støðu til, um kommunan skal hava kommunstjóra í staðin fíggjar- og fyrisitingarleiðara.
Talan er um bygnaðarbroyting og broyting í starvsfólkaskipanini.
Kommunustjórin skal hava tilvísing beinleiðis til borgarstjóran, og tilvísingin hjá tekniska leiðara verður broytt frá borgarstjóranum til kommunustjóran.
Kommunustjórin skal somu uppgávur, sum fíggjar- og fyrisitingarleiðarin hevur í dag.
Hann skal eisini bygnaðarliga vera yvir tekniska leiðaranum og tekniska økinum.
Kommunan heldur, at nú er rætta løtan at gera bygnaðarbroytingina, tí útskifting er í leiðslustarvi í kommununi.
Nýggjastu sendingar í ÚV
Nýggjastu sendingar í SV