Velja ein nevndarlim aftrat í BankNordik

Á aðalfundinum hjá BankNordik fríggjadagin hevur nevndin uppskot um at velja seks fólk í nevndina.

Tey eru fimm sum er.

Mælt verður til afturval. Og tann, sum skal koma afturat, er danin Tom Ahrenst, ið er varastjóri í Nykredit.

Starvsfólkini hjá BankNordik velja harafturat tríggjar nevndarlimir.

Hækka samsýningina

Nevndin hevur eisini uppskot um at hækka samsýningina hjá forfólkinum og næstforfólkinum.

Samsýningin hjá nevndarlimum verður framvegis 180.000 kr.

Nú fáa forfólkið og næstforfólkið ávikavist hálva triðju og hálvaaðru grundarsamsýning, sum eru ávikavist 450.000 og 270.000 krónur.

Uppskotið er at hækka upphæddirnar upp í tríggjar og tvær grundarsamsýningar, sum eru eru 540.000 og 360.000 kr.